Onlar deputat olmaq istəyir?
02-iyl, 12:33 8 Cəmiyyət![onlar-deputat-olmaq-isteyir onlar-deputat-olmaq-isteyir](https://qafqazinfo.az/uploads/1719904301/ddd.jpg)
Xəbər verdiyimiz kimi, sentyabrın 1-də Milli Məclisə növbədənkənar seçkilər keçiriləcək. Bəs, baş redaktorlardan kimlər qarşıdakı seçkilərə namizəd kimi qatılacaq?
“Qafqazinfo” xəbər verir ki, Bakupost.az -ın əməkdaşı bu sualla qəzet və sayt baş redaktorları arasında sorğu keçirib.
Mətbuat Şurasının sədri Rəşad Məcid hələlik bu barədə fikirləşmədiyini bildirib: “Hələ ki seçkilərdə iştirakla bağlı qərarım yoxdur”.
![](https://qafqazinfo.az/uploads/images/rss%20(1).jpg)
Sabiq deputat, “Xalq qəzeti”nin baş redaktoru Əflatun Amaşov seçkilərdə iştirak etməyəcəyini bildirib: “Başım o qədər qarışıqdı, seçkiyə qatılmaq heç yadıma da düşmür”.
![](https://qafqazinfo.az/uploads/images/ef.jpg)
“İki sahil” qəzetinin baş redaktoru Vüqar Rəhimzadə bu suala münasibət bildirmək istəmədiyini deyib.
![](https://qafqazinfo.az/uploads/images/0991(1).jpg)
“Bakı Xəbər” qəzetinin baş redaktoru Aydın Quliyev də parlament seçkilərində iştirak etməyəcəyini deyib: “Hələlik belə bir fikrim yoxdur”.
![](https://qafqazinfo.az/uploads/images/2023-01-30-17-33-59qRPPiEpa6JQrQ0S78OEX_file(1).jpg)
Azərbaycan Jurnalistlər Birliyinin sədri Elçin Şıxlı da seçkilərdə iştirak etməyəcəyini deyib.
![](https://qafqazinfo.az/uploads/images/2022-06-23-14-26-06EgknpZludggDNor835Bn_file.jpg)
“Xalq Cəbhəsi” qəzetinin baş redaktoru Elçin Mirzəbəyli də suala cavab verməkdən imtina edib: “Seçki ilə bağlı heç bir açıqlama vermək istəmirəm”.
![](https://qafqazinfo.az/uploads/images/2021-07-17-21-02-331NL0yXB6D6a4j4zlr7eW_file.jpg)