Dünya bazarlarında Azərbaycan nefti bahalaşıb.
“Qafqazinfo” xəbər verir ki, “Azeri Light” markalı Azərbaycan neftinin 1 barelinin qiyməti 3,15 ABŞ dolları, yaxud 4,10 % artaraq 80,04 ABŞ dolları təşkil edib.
Xatırladaq ki, ötən gün Azərbaycan nefti 76,89 dollara ticarət edilib.
Qeyd edək ki, “Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.