Müsahibim "Vətən Müharibəsi Veteranları Təşkilatı" nın Səbail Rayon Şöbəsinin "İnsan Resursları Departamenti"nin rəisi İsmayılov İsmayıl Vahab oğludur.

İsmayılov İsmayıl Vahab oğlu 1962-ci il 01 mart Saatlı rayonunda anadan olmuşdur. Orta məktəbi Saatlı rayonunda bitirib, 1980-ci ildə Almaniyada hərbi xidmətə gedib, 1981-1982-ci illərdə Əfqanıstanda hərbi xidmət keçib. Hərbi xidməti başa vurandan sonra İsmayıl müəllim Şuşa Kənd Təsərrüfatı Texnikumuna daxil olmuşdur. Texnikumu bitirdikdən sonra o, 1986-cı ildə Saatlı rayonu 184 nömrəli Texniki Peşə Məktəbində xüsusi texnologiyalar üzrə müəllim kimi fəaliyyətə başlamışdır.

İsmayıl müəllim 1989-cu ildə Leninqrad Şəhər Kənd Təsərrüfatı İnistutuna (qiyabi) daxil olmuşdur. İsmayılov İsmayıl Saatlı Rayon İcra Hakimiyyəti tərəfindən Saatlı Rayon Araz Kinoteatrının direktoru vəzifəsinə dəvət alır. 2001-ci ildə Azərkino İstehsalat Birliyi ləğv edildikdən sonra o, Saatlı Rayon Telekommunikasiya Təşkilatında şöbə müdiri vəzifəsində çalışır. Bir müddətdən sonra ailə vəziyyəti ilə əlaqədar İsmayıl müəllim Bakı şəhərinə köçmüşdür. Bakıda o, Rusiya-Bakı Diasporları sahəsində fəaliyyət göstərməyə başlayıb, ictimai işlərilə məşğul olur. 2014-cü ildə İsmsyıl müəllimin ömür-gün yoldaşı dünyasını dəyişir. Sonra İsmayıl müəllim Azərbaycan Respublikasının Birinci Vitse-Prezidenti Mehriban Xanım Əliyevayanın qəbulunda olaraq, işlə əlaqədar müraciət edir. Mehriban Xanım Əliyevayanın təşəbbüsü ilə İsmayıl müəllim Prezident Administrasiyasının İctimai-siyasi şöbəsinə göndərilir və onların tövsiyyəsi ilə Respublika Veteranlar Təşkilatının Beynəlxalq Əlaqələr şöbəsində işlə təmin olunur. 2018-ci ildə İsmayıl müəllim çalışdığı həmin təşkilatın hərbi-vətənpərvərlər şöbəsində mütəxəssis kimi fəaliyyətinə davam edir. İsmayıl müəllim işlədiyi bu müddət ərzində orden və medallarla, fəxri fərmanlarla təltif olunmuşdur.

Kovid-19 Pandemiya dövründə respublikamızın 54 rayonunda müxtəlif xeyriyyəçi aksiyalar keçirmişdir, ikinci dünya müharibəsi veteranlarına qayğı məqsədilə aksiyalara davam etmişdir. 2021-ci ilin fevral ayında ştat cədvəlində ixtisarlar getdiyindən İsmayıl müəllim də ixtisara düşmüşdür.

İsmayılov İsmayıl Vahab oğlu Yeni Azərbaycan Partiyasının üzvüdür. Dərbənd şəhərinin fəxri üzvüdür, Rusiya - Azərbaycan Diasporlar Konqresinin üzvüdür. Hal-hazırda "Respublika Vətən Müharibəsi Veteranları Təşkilatı" nın Səbail Rayon Şöbəsinin sədri vəzifəsində çalışır.

Ailəlidir, üç övladı var.

İsmayıl müəllim bu gün də öz vətənpərvərlik missiyasını davam etdirir. İsmayıl müəllim hər zaman Möhtərəm Prezidentimiz, Ali Baş Komandan  İlham Əliyev cənablarının yürütdüyü siyasi kursu daim dəstəkləmiş və bu gün də  gəstəkləməkdə  davam etməkdədir.

İsmayıl müəllimin fəaliyyət göstərdiyi təşkilatın nəzdnində, daxili qərarla "Yupiter" Beynəlxalq Təhlükəsizlik Xidməti yaradılmışdır. Məqsəd Muharibə Veteranları, qazilər və şəhid övladlarını işlə təmin etməkdir.

Söhbət əsnasında İsmayıl müəllim söylədi: "Təşkilatın sədri hörmətli Fəqan Nəcəfzadənin atdığı bu müdrik, xeyirxah  addım, mən deyərdim ki, əsl vətənpərvərlik nümunəsidir. Müharibə Veteranlarını, igid qazilərimizi, qəhrəman şəhidlərimizin bizə əmanət qoyduqları övladlarını işlə  təmin etmək-ən müqəddəs amal, dövlətimizə, dövlətçiliyimizə dayaq, Möhtərəm Prezidentimizə dəstək, Allah Dərgahında da ən böyük savabdır. Bu xeyirxah, vacib təşəbbüsünə görə hörmətli sədrimiz Fəqan müəllumə bütün kollektivimiz adından dərin təşəkkürümüzü bildiririk.

Fürsətdən istifadə edərək, respublikamızda fəaliyyət göstərən bütün təşkilatlara, Səhiyyə və Təhsil Nazirliklərinə, İcra Hakimiyyətlərinə müraciət edərək bizimlə əməkdaşlıq etməyə dəvət edirik".

Biz də media qurumu olaraq, "Müharibə Veteranları Təşkitının Səbail Rayon Şöbəsinin" başda hörmətli sədr Fəqan Nəcəfzadə və İsmayıl müəllim olmaqla bütün kollektivinə bu Müqəddəs işlərində uğurlar arzulayırıq.

Səmimi söhbət və müsahibəyə görə də İsmayıl müəllimə dərin təşəkkürlırimizi bildiririk.

Fərid Faiqoğlu

Azərbaycan Jurnalistlər Birliyinin üzvü, 

“Qızıl qələm” mükafatçısı,

Ehtiyatda olan baş leytenant