Azərbaycanın Milli Qəhrəmanı Abbasov Mehdi Yusif oğluna həsr olunmuş “Amalı Vətən” sənədli filminin nümayişi baş tutub.

"Respublika" xəbər verir ki, film Qərbi Azərbaycanın Amasiya rayon İcmasının təşkilatçılığı ilə keçirilən "Dövlət siyasətimizin və qələbəmizin uğurları" adlı Konfrans çərçivəsində təqdim olunub.

Qeyd edək ki, Milis baş leytenantı Mehdi Abbasov Yusif oğlu 1960-cı il 1 yanvar tarixində Qərbi Azərbaycanın (Ermənistan) Amasiya rayonunun Yeniyol kəndində anadan olmuşdur. Ailəsi erməni millətçilərinin təzyiqi altında ata-baba ocağını tərk edib Qazaxıstana üz tutanda Mehdinin 11 yaşı var idi. Onlar Qazaxıstanın Tülkübas kəndinin Kulan kəndində məskunlaşmışlar. Mehdi Abbasov 1981-ci ildə Karakanda Pedaqoji İnstitutuna daxil olur. O, 1985-ci ildə həmin ali məktəbi bitirərək ibtidai hərbi hazırlıq və bədən tərbiyəsi müəllimi ixtisasına yiyələnib. Klassik güləş üzrə idman normasını yerinə yetirən Mehdi “SSRİ idman ustası" adını alır. O, 1989-cu ilin noyabr ayında Qazaxıstan KP Tülkübas Rayon Komitəsinin qərarı ilə daxili işlər orqanlarında işləməyə göndərilir. 1989-1990-cı illərdə SSRİ DİN-nin Stavropol ali kurslarının müdavimi olur, sonra Enbəyşin Rayon Daxili İşlər Şöbəsində sahə müvəkkili vəzifəsində xidmətini davam etdirir.
Azərbaycanın başı üzərini qara buludlar alanda Mehdi öz soydaşlarının köməyinə gəlməyi qərara alır. Beləliklə, 1991-ci il 28 iyun tarixində Azərbaycan Respublikası DİN-nin sərəncamına göndərilir. O, burada baş leytenant rütbəsində rota komandiri kimi DİN-nin XTMD-də xidmətə başlayır. Abbasov Mehdi göstərdiyi şücaətə görə "Mixaylo" ləqəbini qazanmışdı. O, həmçinin 4 dəfə DİN-nin mükafatlarına layiq görülmüşdür. “Mixaylo"nun son döyüşü 13 yanvar 1992-ci ildə olub. Məlikcan postu ətrafında qızğın döyüşlər gedən zaman snayper gülləsi onu başından ağır yaraladı. Döyüş dostu çətinliklə də olsa, onu təklükəli zonadan çıxara
bilir, lakin elə həmin gün o əbədi olaraq gözlərini həyata yumur. Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə baş leytenant Abbasov Mehdi Yusif oğlu ölümündən sonra "Azərbaycanın Milli Qəhrəmanı" adına layiq görülmüşdür. Bakıda Şəhidlər xiyabanında dəfn edilən Milli Qəhrəmanın adı İsmayıllı rayonunun mərkəzi küçələrindən birinə verilib.

Nəzrin ELDARQIZI,

"Respublika".


















Azərbaycanın Milli Qəhrəmanı Abbasov Mehdi Yusif oğluna həsr olunmuş “Amalı Vətən” sənədli filminin nümayişi baş tutub.

"Respublika" xəbər verir ki, film Qərbi Azərbaycanın Amasiya rayon İcmasının təşkilatçılığı ilə keçirilən "Dövlət siyasətimizin və qələbəmizin uğurları" adlı Konfrans çərçivəsində təqdim olunub.

Qeyd edək ki, Milis baş leytenantı Mehdi Abbasov Yusif oğlu 1960-cı il 1 yanvar tarixində Qərbi Azərbaycanın (Ermənistan) Amasiya rayonunun Yeniyol kəndində anadan olmuşdur. Ailəsi erməni millətçilərinin təzyiqi altında ata-baba ocağını tərk edib Qazaxıstana üz tutanda Mehdinin 11 yaşı var idi. Onlar Qazaxıstanın Tülkübas kəndinin Kulan kəndində məskunlaşmışlar. Mehdi Abbasov 1981-ci ildə Karakanda Pedaqoji İnstitutuna daxil olur. O, 1985-ci ildə həmin ali məktəbi bitirərək ibtidai hərbi hazırlıq və bədən tərbiyəsi müəllimi ixtisasına yiyələnib. Klassik güləş üzrə idman normasını yerinə yetirən Mehdi “SSRİ idman ustası" adını alır. O, 1989-cu ilin noyabr ayında Qazaxıstan KP Tülkübas Rayon Komitəsinin qərarı ilə daxili işlər orqanlarında işləməyə göndərilir. 1989-1990-cı illərdə SSRİ DİN-nin Stavropol ali kurslarının müdavimi olur, sonra Enbəyşin Rayon Daxili İşlər Şöbəsində sahə müvəkkili vəzifəsində xidmətini davam etdirir.
Azərbaycanın başı üzərini qara buludlar alanda Mehdi öz soydaşlarının köməyinə gəlməyi qərara alır. Beləliklə, 1991-ci il 28 iyun tarixində Azərbaycan Respublikası DİN-nin sərəncamına göndərilir. O, burada baş leytenant rütbəsində rota komandiri kimi DİN-nin XTMD-də xidmətə başlayır. Abbasov Mehdi göstərdiyi şücaətə görə "Mixaylo" ləqəbini qazanmışdı. O, həmçinin 4 dəfə DİN-nin mükafatlarına layiq görülmüşdür. “Mixaylo"nun son döyüşü 13 yanvar 1992-ci ildə olub. Məlikcan postu ətrafında qızğın döyüşlər gedən zaman snayper gülləsi onu başından ağır yaraladı. Döyüş dostu çətinliklə də olsa, onu təklükəli zonadan çıxara
bilir, lakin elə həmin gün o əbədi olaraq gözlərini həyata yumur. Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə baş leytenant Abbasov Mehdi Yusif oğlu ölümündən sonra "Azərbaycanın Milli Qəhrəmanı" adına layiq görülmüşdür. Bakıda Şəhidlər xiyabanında dəfn edilən Milli Qəhrəmanın adı İsmayıllı rayonunun mərkəzi küçələrindən birinə verilib.

Nəzrin ELDARQIZI,

"Respublika".