Argentina millisinin və “İnter Mayami”nin hücumçusu Lionel Messi Amerika klubuna keçdikdən sonra oyun tərzini dəyişdiyini bildirib.
“Qafqazinfo” xəbər verir ki, bu barədə ESPN məlumat yayıb.
“O ana, vəziyyətə və yaşıma görə oyun tərzimi dəyişdim. Özümü yenidən kəşf etməyə və mənim üçün yeni olan liqaya uyğunlaşmağa başladım. Əvvəldən özümü çox rahat hiss edirdim”, - forvard deyib.
Xatırladaq ki, Messi 2023-cü ildən “İnter Mayami”də çıxış edir. Futbolçunun klubla müqaviləsi 2025-ci ilə qədərdir.