Ötən gün axşam saatlarında Sumqayıtda avtomobilin vuraraq öldürdüyü piyadanın şəxsiyyəti məlum olub.
“Report”un yerli bürosu məlumat verir ki, ölən şəxs Abşeron rayonu Saray qəsəbə sakini, 1980-ci il təvəllüdlü Samir Nüsrət oğlu Əsədovdur.
Xatırladaq ki, hadisə şəhərin Sahil küçəsində baş verib.
Faktla bağlı Sumqayıt Şəhər Prokurorluğunda araşdırma aparılır.
30 noyabr, 23:57
Sumqayıtda avtomobil piyadanı vuraraq öldürüb.
“Report” xəbər verir ki, hadisə Sahil küçəsində qeydə alınıb.
“Mercedes-Benz” markalı avtomobil yolu keçən, şəxsiyyəti hələ məlum olmayan 40-50 yaşlı kişini vurub.
Piyada aldığı xəsarətdən hadisə yerindəcə ölüb. Sürücü saxlanılıb.
Faktla bağlı Sumqayıt Şəhər Prokurorluğunda araşdırma aparılır.