Zəmanəmizin ən görkəmli tarixi şəxsiyyətlərindən biri, müstəqil Azərbaycan dövlətinin yaradıcısı, ümummilli lider Heydər Əliyev adını öz əlləriylə tariximizə qızıl hərflərlə yazdı. 2023-cü il mayın 10-da Azərbaycan xalqının ümummilli lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olur. 2023-cü ilin ölkəmizdə "Heydər Əliyev ili" elan edilməsi dahi liderin şəxsiyyətinə, onun tarixi xidmətlərinə yeni dəyərlər əsasında verilən qiymətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur. Heydər Əliyevin 100 illiyi ədliyyə işçiləri olaraq hər birimizin hədsiz sevincinə səbəb olub. Ümummilli lider bütün varlığı ilə sevdiyi və canından əziz bildiyi doğma xalqının mənafelərini daim önə çəkmiş, respublikamızın malik olduğu bütün imkanlardan onun inkişafı üçün istifadə etmişdir. Dahi rəhbərin anadan olmasının 100-cü ildönümü ərəfəsində bir daha qürurla qeyd etmək yerinə düşər ki, əbədi yaşar lider Heydər Əliyevin adı Azərbaycan xalqının milli şüurunda müasir Azərbaycanın yaradıcısı kimi həkk olunub. Heydər Əliyev Azərbaycanda  böyük bir ideologiyanın, milli dövlətçilik fəlsəfəsinin və milli mənlik şüurunun formalaşmasının əsasını qoyub. Cənab Prezidentimiz İlham Əliyevin sərəncamına əsasən 2023-cü ilin məhz Heydər Əliyev ili adlandırılması Heydər Əliyev dühasına dərin ehtiram, sayqı ifadəsi və unudulmazlıq təcəssümüdür. Nə qədər ki, bu xalq, millət var, yaşayır Heydər Əliyev fenomeni xatirələrdən heç zaman silinməyəcəkdir. Çünki onun ömür yolu Vətənə, xalqa xidmət nümunəsidir. Müasir Azərbaycan ədliyyəsinin inkişafında ulu öndər Heydər Əliyevin rolu danılmazdır. Müstəqil Azərbaycanın milli dövlətçiliyinin memarı, ümummilli liderimiz Heydər Əliyevin anadan olmasının 100-cü ildönümü xalqımız tərəfindən böyük hörmət və ehtiramla qeyd edilir. Bu günlər ədliyyə işçiləri olaraq hər birimiz Heydər Əliyevin Vətən və millət qarşısında misilsiz xidmətlərini bir daha minnətdarlıq hissi ilə xatırlayırıq. Ümummilli lider Heydər Əliyevin rəhbərliyi ilə hüquq dövlət quruculuğu prosesi çərçivəsində ədliyyə orqanlarında əsaslı islahatlar aparıldı, ədliyyə sisteminin hərtərəfli inkişafı üzrə tarixi əhəmiyyətli qərarlar qəbul olundu, bu orqanların fəaliyyətində köklü mütərəqqi dəyişikliklərə başlanıldı. Ümummilli liderimiz Heydər Əliyev tərəfindən 22 noyabr ədliyyə işçilərinin peşə bayramı gününün təsis edilməsi də dahi rəhbərimizin Azərbaycan ədliyyəsinə xüsusi diqqət və qayğısının bariz təzahürü olmuşdur. O gündən bütün ədliyyə işçiləri öz peşə bayramlarını böyük ruh yüksəkliyi ilə qeyd edirlər. Ulu öndərin Azərbaycan rəhbərliyinə ilk gəlişi ilə ədliyyə sistemində də intibah başlanmış, Ədliyyə Nazirliyi 1970-ci ildə bərpa olunmuş, onun fəaliyyətini tənzimləyən mühüm normativ sənədlər qəbul edilmiş, milli kadr hazırlığına xüsusi diqqət yetirilmiş, bununla da ədliyyə işinin gələcək inkişafı üçün hərtərəfli zəmin yaranmışdır. Təsadüfi deyildir ki, nazirliyin yenidən təsis olunması ilə bağlı imzalanmış həmin qərarların surəti Ədliyyə tarixi muzeyində qiymətli eksponat kimi saxlanılır. 1993-cü ildə xalqın təkidi ilə ulu öndər Heydər Əliyevin ikinci dəfə Azərbaycanda hakimiyyətə gəlişi ilə ölkəmiz, o cümdən Ədliyyə Nazirliyi özünün əsl inkişaf mərhələsinə qədəm qoydu. Ədliyyə sistemində əhəmiyyətli islahatlara start verildi. Səlahiyyətləri artırıldı, beləliklə, nazirliyin cəmiyyətdə rolu bərpa olundu. Ümummilli liderin bu sahədə çalışanlara göstərdiyi diqqət və qayğının bariz nümunəsi olaraq 11 noyabr 2000-ci il tarixdə imzaladığı Sərəncamla Ədliyyə Nazirliyinin nizamnaməsi təsdiq edildi. Azərbaycan ədliyysinin rüşeymləri hələ qədim zamanlardan məlum olsa da, onun inkişaf yolu Azərbaycan Xalq Cümhuriyyəti dövründən başlayır. Ulu öndər Heydər Əliyev ölkənin bütün sahələrində olduğu kimi, ədliyyə sistemində də mühüm islahatlar aparılmasına Nail oldu və Azərbaycan ədliyyəsi öz inkişafının növbəti mərhələsini yaşamış oldu. Ölkəmiz müstəqilliyini bərpa etdikdən sonra da ümummilli lider Heydər Əliyevin rəhbərliyi ilə hüquqi dövlət quruculuğu prosesi çərçivəsində ədliyyə orqanlarında əsaslı islahatlar aparıldı, ədliyyə sisteminin hərtərəfli inkişafı üzrə tarixi əhəmiyyətli qərarlar qəbul olundu, bu orqanların fəaliyyətində köklü mütərəqqi dəyişikliklərə başlanıldı. Məhz Heydər Əliyevin fəaliyyəti nəticəsində 1993-2003-cü illərdə hüquqi dövlət quruculuğu prosesində yaxından iştirak edək ədliyyə orqanlarının inkişafına daim qayğılı münasibət göstərilmiş, Ədliyyə Nazirliyinin fəaliyyət dairəsi genişlənmiş, cəmiyyətdəki rolu artmış, ədliyyə fəaliyyətinin yeni qanunvericiliyin tələbləri səviyyəsində qurulması məqsədilə müvafiq struktur dəyişiklikləri aparılmış, yeni qurumlar yaradılmış, onların işinin təşkili üzrə zəruri tədbirlər görülmüşdür. Biz  də ədliyyə işçiləri olaraq ulu öndərimizin müəyyən etdiyi dövlətçilik amallarına daim sadiq qalaraq ölkəmizin daha da inkişafı və qüdrətlənməsi naminə möhtərəm Prezidentimizə layiqli yardımçı olmaq üçün bundan sonra da yüksək əzmlə çalışacayıq. Ulu öndərin əziz xatirəsi ədliyyə işçiləri olaraq hər birimizin qəlbində daim yaşayacaq. Dahi rəhbərin yüksək dövlətçilik amallarına hər zaman sadiq qalaraq respublikamızın hərtərəfli inkişafı və müasirşməsi naminə ölkə başçısının ətrafında sıx birləşərək üzərimizə düşən vəzifələri bundan sonra da böyük məsuliyyət və şərəflə yerinə yetirəcəyik. Ədliyyə işçiləri olaraq ümummilli lider Heydər Əliyevin banisi olduğu dövlətçilik ənənəsinə sadiq qalaraq dövlət başçısı və Ədliyyə Nazirliyinin verdiyi tapşırıq və göstərişlərin öhdəsindən layiqincə gəlməyə çalışırıq. Azərbaycanın özü qədər əbədi olan bu fenomenal şəxsiyyətin şərəfli ömrü və siyasi irsi indiki nəsillərə nümunədir. Heydər Əliyev nurlu əməlləri ilə öz adını mənsub olduğu xalqın, dövlətin, onun dəyərlərinin simvoluna çevirm şəxsiyyətdir. Bu ad Azərbaycan üçün müstəqilliyin, qurtuluşun, inkişafın, bütövlüyün rəmzidir. Onun işıqlı xatirəsi ədliyyə işçiləri olaraq hər birimizin qəlbində əbədi yaşayacaq.

Aytən Cahangir qızı Muradova  

2 saylı Bakı "Asan xidmət" mərkəzində Ədliyyə Nazirliyinin qeydiyyat şöbəsinin rəisi, kiçik ədliyyə müşaviri