Heydər Əliyev özünün gərgin əməyi, uğurlu daxili və xarici siyasət strategiyası ilə ölkəmizin iqtisadi inkişafının, daxili siyasi sabitliyin və əmin-amanlığın, milli-mənəvi dəyərlərə qayıdışın, bu dəyərlərin qorunması və təbliğ edilməsinin rəhninə çevrildi. prezident İlham Əliyevin 2023-cü ilin ölkəmizdə "Heydər Əliyev ili" elan edilməsi haqqında Sərəncamında qeyd edildiyi kimi, "Müstəqil Azərbaycan Ulu Öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir. Bu müqəddəs mirası qoruyub saxlamaq hər bir azərbaycanlının şərəfli vəzifəsidir". Bəli, Heydər Əliyev fenomeni zaman və məkan anlayışının şövqündədir. Yəni onun dövlətçilik irsi və parlaq ideyaları hər zaman-bütün dövrlər üçün aktualdır. Heydər Əliyev ideyaları həm xalqımızın mənəvi-siyasi sərvəti, həm də Azərbaycan dövlətinin inkişafını, xalqımızın xoşbəxt gələcəyini təmin edən dəyərlər sistemi kimi müstəsna əhəmiyyətə malikdir. Ulu öndərin ideyaları, eyni zamanda, milli həmrəyliyi təmin edən, dünya azərbaycanlılarını vahid məqsəd ətrafında -Azərbaycan naminə birləşdirən məfkurədir. Ümummilli liderin siyasi irsi dövlətçilik konsepsiyasıdır. Ümummilli lider Heydər Əliyevin ədliyyə sistemində fəaliyyətinin yüksək tələblər səviyyəsində qurulması üzrə xidmətləri hazırda da öz bəhrəsini verməkdədir. Onun başladığı köklü islahatların nəticəsidir ki, müasir Azərbaycan  ədliyyəsinin inkişafı davamlı prosesə çevrilmişdir. Bu gün müasir ədliyyə sisteminin inkişafı Heydər Əliyevin adı ilə bağlıdır. Heydər Əliyev dühası ilə ölkəmizdə ədliyyə fəaliyyıti yenidən quruldu və onların gələcək inkişafının təməli qoyuldu. Azərbaycanın özü qədər əbədi olan bu fenomenal şəxsiyyətin şərəfli ömrü və siyasi irsi indiki və gələcək nəsillərə nümunədir. Heydər Əliyev nurlu əməlləri ilə öz adını mənsub olduğu xalqın, dövlətin, onun dəyərlərinin simvoluna çevrilmiş şəxsiyyətdir. Bu ad Azərbaycan üçün müstəqilliyin, qurtuluşun, inkişafın, bütövlüyünü rəmzidir. Onun işıqlı xatirəsi xalqımızın yaddaşında əbədi yaşayacaqdır. "Heydər Əliyev ili" ilə əlaqədar təsdiqlənən Tədbirlər Planı olduqca zəngin, rəngarəng və çoxşaxəlidir. Ədliyyə Nazirliyi tərəfindən Milli Məclislə birgə bu il bölgələrdə olduğu kimi, Bakı şəhərində də vətəndaşlar üçün ədliyyə fəaliyyəti ilə bağlı "Açıq qapı" günləri keçiriləcək. "Heydər Əliyev ili" çərçivəsində Heydər Əliyev Mərkəzində vətəndaşların xahişi ilə yeni ailə həyatı quran gənclərin nigahının, yeni dünyaya gəlmiş uşaqların doğumlarının təntənəli şəkildə qeydiyyat mərasimləri keçiriləcək, onlara müvafiq doğum haqqında şəhadətnamələr təqdim olunacaq. "Heydər Əliyev ili" müstəqil Azərbaycan dövlətinin Heydər Əliyev ideallarının işığında qazandığı parlaq nailiyyətlərin bütün dünya qarşısında möhtəşəm hesabatı ili olacağına əminlik yaradır. Ədliyyə işçiləri olaraq hər birimiz əminik ki, "Heydər Əliyev ili" Azərbaycanda müstəüil dövlətçilik ideallarının təntənəsi ilinə çevriləcəkdir. Bu, həm də ümummilli lider Heydər Əliyevin əbədiyaşarlığınım təntənəsi deməkdir. Ədliyyə işçisi olaraq əminliklə deyə bilərəm ki, bundan sonra da ulu öndərin yüksək amallarına daim sadiq qalaraq dövlətimizin hərtərəfli tərəqqisi naminə ölkə Prezidentinin ətrafında sıx birləşərək var-qüvvəmizlə çalışmaq əzmində olacayıq. "Heydər Əliyev ili" çərçivəsində respublika səviyyəsində və ölkəmizin hüdudlarından kənarda vətəndaşlar üçün keçiriləcək tədbirlər Heydər Əliyev şəxsiyyətinin dövlətçilik tariximizdə müstəsna yerinin və rolunun daha dərindən tədqiq olunması, onun ideya-siysdi xəttinin, zəngin dövlətçilik irsinin və əbədi yaşar ideyalarının yeni nəslə aşılanması, gənc nəslin milli-mənəvi dəyərlər əsasında, vətənpərvərlik və dövlətə sədaqət ruhunda yetişməsi və bütövlükdə müasir müstəqil Azərbaycanın inkişaf yolunun hərtərəfli öyrənilməsi baxımından müstəsna əhəmiyyətə malikdir. Ədliyyə işçiləri olaraq bizim ən böyük vəzifəmiz dahi Heydər Əliyevin ətrafında sıx birşlərək, ona layiqli yardımçı olmaqdır. Mayın 10-u müstəqil dövlətimizin qurucusu, ümummilli lider Heydər Əliyevin anadan olmasının 100-cü ildönümüdür. Ulu öndərin xalqımız və dövlətimiz qarşısında müstəsna xidmətləri daim yüksək fəxr hissi ilə qeyd olunacaq, əziz xatirəsi hədisz məhəbbətlə və böyük ehtiramla anılacaq. Ulu öndərin əziz xatirəsi hər birimizin qəlbində əbədi yaşayacaq.

Təranə Novruzova

Sumqayıt şəhər qeydiyyat şöbəsinin rəisi