O, ömrünün cəmi 33  baharını yaşadi. Yaşadığı bu qışa zaman anında  xalqa və dövlətə  layiqincə  xidmət edərək, yadda qalan və mənalı bir ömür yaşadı. Bəli, doğma qardaş  qədər  xətrini istədiyim Füad Rəhimov haqqında bu gün  nəsə demək mənim ücün çox  çətindir...

Uşaqlığı qucağımda  kecən həyatın ən xirda detallarına belə bələd olduğum xalam oğlu Fuad Rəhimovun  həyatını qələmə almaq qəlbdəki yaranın qaysağını qopartmaq kimidir.  Eh... onun keçdiyi həyat yolunu  qələmə almaq ücün  bəlkə də bir necə kitab da azlıq edər. Sağlığında qazandığı bütün uğurlara nəzər yetirəndə  sanki möcüzə ilə rastlaşırıq.  Böyük fitri istedada  malik Fuadın hətta zamanı da qabaqladığını desəm, yanılmaram.
QİSA ARAYIŞ:  Rəhimov  Fuad Şahmirzə  oğlu 4dekabr 1984 - cü ildə Bakı şəhərində  anadan olub.

Burada 57 saylı tam orta məktəbi əla qiymətlərlə bitirdikdən sonra  620 balla tMilli  Aviasiya Akademiyasının hüquq  fakültəsinə qəbul olunub. Akademiyanı bitirdikdən sonra vəkillik  fəaliyyəti  ilə məşğul olub. 2008 - ci ildən 2010- cu ilədək  Bakı şəhərində  yerlşən Amerika  Hüquqşünaslar Asosasiyasında   hüquq məsləhətçisi kimi fəaliyyət göstərib. 2010- cu ildən Dövlət Neft Şirkətində hüquq  məsləhətçisi, sonradan böyük hüquq  məsləhətçisi olub. 2011 - ci ildən 2012 - ci iləd kimi Neft Şirkətin xətti ilə Sotlandiyanın Aberden Universitetində təhsil alaraq Beynəlxalq ticarət hüqüq ixtisasında magistr dərəcəsinə yiyələnib.  2014- ci ildən  Dövlət Neft Şirkətində  layihələrin hüquqi  ekspertizası üzrə şöbə müdiri  vəzifəsində çalışıb.

Fuad dərin düşüncəyə, geniş zəkaya malik bir insan idi. Çox səmimi və qayğıkeş idi.  Həmişə özünü sadə aparardı.
Ondan nəsə soruşanda  tələsmədən bütün xırdalıqlarına qədər izah edərdi. Həddindən artıq səbrli,  təmkinli idi. Kəndə gələndə cox  sadə tərzdə geyinərdi. Həlimliyi, xoş xasiyyəti ilə onu tanıyan hər kəsin dərin hörmət və ehtiramını qazanmışdı. Fuad  ücün  ancaq insani keyfiyyətlər önəmli idi. Ələlxüsus,  əsl ziyalıya xas olan bütün  insani dəyərlərə malik bir şəxs olmaqla yanaşı, həm də fədakar idi. Yaşasaydı bu gün 40 yaşını qeyd edəcəkdi. Əfsus ki, vaxtsız ölüm Fuadı çox erkən aramızdan qopardı. O,  17 iyun  2018-ci il tarixində  bu dünyaya əlvida dedi. Ruhu şad, məkanı cənnət olsun.

                                      Zahid Həbiboğlu,
                                        AJB-nin üzvü