"Xeberim.info" xəbər verir ki, cəmiyyətimizin rüşvət və korrupsiyadan təmizlənməsi ilk növbədə bu təzahürlərin ölkəmiz üçün necə bir bəla olduğunu aydın dərk edən və eyni zamanda özləri bu mərəzlərə hələ tutulmayan yeni, gənc nəslin formalaşmasını tələb edir. Əlbəttə ki, gənc nəslin təlim-tərbiyəsində, uşaqlarımızın gələcəkdə layiqli vətəndaş kimi cəmiyyətimizdə yer tutmalarında orta-ümumtəhsil məktəblərinin rolu çox önəmlidir və danılmazdır. Belə olduğu halda isə bu tədris müəssisələrində şagirdlərdə hələ uşaq yaşlarından rüşvətə alışqanlıq yaradılması, korrupsiya mərəzinin onların şüuruna və qanına yeridilməsi, cəmiyyətimiz üçun məsum bir gəncin narkotik maddələrə alışdırılması qədər və bəlkə də daha çox təhlükəlidir.
Cəmiyyətimizin heç bir üzvü üçün sirr deyil ki, ölkədə fəaliyyət göstərən əksər orta məktəblərin direktorları rəhbərlik etdikləri müəssisələri tam avtoritar rejimdə idarə edərək özlərinin şəxsi kommersiya obyektləri səviyyəsinə çatdırmışlar.
Rüşvət qalmaqalı ilə bağlı daha bir məktəbin adı aktuallaşıb. Söhbət Bakı şəhər Binəqədi rayon 284 saylı tam orta məktəbdən gedir. İddiaya görə məktəb direktoru Nizami Novruzov təhsil müəssisəsində çalışan müəllimlərə “bayram” qabağı şagirdlərdən pul yığmaq üçün rüşvət tələb edir. Həmçinin 8 mart qadınlar günündə qadın müəllimlərdən onu da “görüm-baxım” adı ilə rüşvət tələb olunduğu iddia olunur.
Mənbənin verdiyi məlumata görə direktorun qanunsuz əməllərindən tək o, deyil, bütün müəllimlər boğaza yığılıb.
“Bu adam hər şeyi rüşvətlə həll edir. Neçə ildir məktəbdə aty oynadır. Hətta şagirdlərin bir məktəbdən digərinə belə yerdəyişməsindən də faydalanır, baxmayaraq ki, təhsil nazirliyi rüşvətin qabağını almaqdan ötrü bütün sistemi elektronlaşdırdı. Yəni ki, valideyn sərbəst olaraq şagirdi bir məktəbdən digərinə özü sərbəst şəkildə icra etsin. Bildirəndə ki, sizdən şikayət edəcəyik, deyir hara və kimə istəyirsən müraciət elə, arxamda Təhsil Nazirliyi dayanır. Rüşvət almaqda ittiham olunan Nizami Novruzov müəllimləri şagirdlərin yanında belə aşağılayır.
İddia olunur ki, Nizami müəllim şəhid adından istifadə edin pul yığmaqla məşğul olur. Güya şəhidlərin anım gününə yığılan pula əkili və yaxud gül-çiçək üçün sərf olunacaq. Bir sözlə təhsil müəssisəsini şəxsi mənafeyi üçün istifadə edir.
Təhsil sistemində dövlət tərəfindən həyata keçirilən əsaslı islahatlar müəyyən irəliləyişlərə zəmin yaratsa da, cəmiyyətdə gözlənilən nəticələr hələ də müşahidə olunmur. Təbii ki, bu vəziyyət heç də islahatlar paketinin effektsizliyi ilə şərtlənmir. Əksinə, bu istiqamətdə atılması nəzərdə tutulan addımlar az müddət ərzində Azərbaycanın təhsil sistemini ən qabaqcıl dünya standartlarına cavab verəcək səviyyəyə çatdırmağa sərrast hesablanmışdır. Lakin müəyyən subyektiv səbəblər bu prosesləri ləngidir. Eyni zamanda da, islahatların geniş tətbiqini əngəlləyən qüvvələr bununla məhz dövlət tədbirlərinin zəifliyini vurğulamaq istəyirlər. 284 saylı məktəbin fəaliyyətində müşahidə olunan nöqsanlar da məhz belə qüvvələrin müdaxiləsinin bariz nümunəsidir. Məktəbdə 8 martda kimlərin pul yığıb direktora çatdırmaları barədə redaksiyamıza məlumatlar daxil olmuşdur. Eyni zamanda Novruz bayramında məktəbdə və rayonda keçiriləcək tədbirlər adıyla da pul yığılır.
Ona görə də daha ətraflı növbəti sayımızda oxuya biləcəksiniz.
Qarşı tərəfin mövqeyini dərc etməyə hazırıq.

Xeberim.info