Bu gün Əməkdar incəsənət xadimi Baba Vəziroğlunun doğum günüdür.
“Qafqazinfo” xəbər verir ki, o, 71 yaşını qeyd edir. 
Bu barədə sosial şəbəkə hesabında paylaşım edən Baba Vəziroğlu yazıb: “Bu gün ad günümdür, adi günümdür...”
Qeyd edək ki, Baba Vəzir oğlu Məsimov 1954-cü ildə İsmayıllının Mollaisaqlı kəndində anadan olub. Ədəbi fəaliyyətə 1976-cı ildə “Ulduz” jurnalında çap etdirdiyi “Bir yaz axşamı”, “Maqazinçi Dadaş” hekayələri ilə başlayıb.
B.Vəziroğlunun mindən artıq şeirinə mahnı bəstələnib. 2020-ci ildə Azərbaycan ədəbiyyatının inkişafında xidmətlərinə görə “Şöhrət” ordeni ilə təltif edilib.
Ailəlidir, iki qızı, bir oğlu var.