Cəmiyyətin hər bir sahəsində peşəkarlıq, məsuliyyət və vicdanla görülən iş müvəffəqiyyətin əsas meyarıdır. Bu xüsusilə hüquq sistemində fəaliyyət göstərən şəxslərə aiddir. Çünki vəkil peşəsi yalnız qanunu bilmək deyil, həm də ədaləti qorumaq, haqsızlığa qarşı çıxmaq və vətəndaşın hüquqlarını cəsarətlə müdafiə etmək missiyası daşıyır. Bu mənada tanınmış hüquqşünas və vəkil Adəm Məmmədov öz fəaliyyəti, prinsipial mövqeyi və hüquqa sədaqəti ilə cəmiyyətin dərin etimadını qazanmış hüquq müdafiəçilərindən biridir.

Adəm Məmmədov hüquq sahəsindəki fəaliyyətinə gənc yaşlarından böyük həvəs və məsuliyyətlə başlayıb. O, ali təhsilini hüquq ixtisası üzrə bitirdikdən sonra vəkillik peşəsinə qədəm qoyaraq, ədalətin bərpası, vətəndaşların hüquqlarının qorunması istiqamətində ardıcıl və prinsipial fəaliyyət göstərib. Onun üçün vəkillik sadəcə peşə deyil, həm də mənəvi borc, vətəndaşlıq mövqeyi və ədalət mübarizəsidir.

Adəm Məmmədovun hüquq fəaliyyətində ən diqqətçəkən cəhətlərdən biri onun işə yanaşmasında dürüstlük və obyektivliyin əsas prinsip kimi dayanmasıdır. O, hər bir işi dərin hüquqi təhlil etməklə, ədalətin qalib gəlməsi üçün bütün qanuni vasitələrdən istifadə edir. Vəkil deyir:

“Ədalət hər bir dövlətin sütunudur. Hüquq müdafiəçisi isə bu sütunun dağılmaması üçün çalışan insandır.”

Adəm Məmmədovun fəaliyyətini fərqləndirən əsas xüsusiyyət onun prinsipial və qətiyyətli mövqeyidir. O, vətəndaşların sosial vəziyyətindən, maddi imkanlarından asılı olmayaraq, hər bir şəxsin hüququnun eyni dərəcədə müdafiəyə layiq olduğuna inanır. Onun müdafiə etdiyi işlər arasında sosial ədalətsizliyə məruz qalmış şəxslər, hüquqları pozulmuş ailələr, şəhid ailələri və qazilər də xüsusi yer tutur.

Vəkil çox zaman bu kateqoriyadan olan vətəndaşlara pulsuz hüquqi yardım göstərir. Onun üçün əsas məqsəd qazanc deyil, insanlara ədalət qazandırmaqdır. Bu da onun cəmiyyət arasında qazandığı hörmətin və etimadın əsas səbəblərindən biridir.

Adəm Məmmədov həmçinin dövlətin hüquq siyasətinə, qanunvericilik təşəbbüslərinə də peşəkar baxış bucağından yanaşır. O, ölkəmizdə aparılan hüquqi islahatları dəstəkləyərək, Prezident cənab İlham Əliyevin rəhbərliyi ilə formalaşan müasir hüquq sisteminin daha da təkmilləşməsini vacib hesab edir.

Vəkil qeyd edir ki, hüququn aliliyi yalnız dövlətin deyil, həm də vətəndaşın inkişafının təminatıdır. Bu baxımdan o, hüquqi maarifləndirmə işinə də xüsusi önəm verir, mediada, ictimai tədbirlərdə çıxış edərək insanlara hüquqlarını bilməyin vacibliyini izah edir.

Onun sözləri ilə desək:

“Qanunu bilməmək heç kəsi məsuliyyətdən azad etmir. Amma hüquqlarını bilmək insanı haqsızlıqlardan qoruyur.”

Adəm Məmmədovun hüquqi fəaliyyəti təkcə cinayət işləri ilə məhdudlaşmır. O, mülki, inzibati, ailə və əmək hüququ sahələrində də uğurlu təcrübəyə malikdir. Vəkil kimi o, yüzlərlə insanın həyatında ədalətin bərpa olunmasına nail olub.

Onun müştəriləri arasında sadə vətəndaşlardan tutmuş, sahibkarlara qədər müxtəlif sosial təbəqələrə mənsub insanlar yer alır. Adəm Məmmədov hər bir işə fərdi yanaşaraq, müştərisinin problemini sanki öz şəxsi məsələsi kimi qəbul edir. Bu yanaşma onun işinə olan hörməti daha da artırır.

Vəkil Adəm Məmmədovun fəaliyyətində etik davranış, mədəni ünsiyyət və peşə peşəkarlığı daim ön plandadır. O, həmkarları arasında da nüfuzlu və təcrübəli hüquqşünas kimi tanınır. Çoxsaylı məhkəmə proseslərində göstərdiyi peşəkar müdafiə taktikaları, dərin hüquqi biliyi və səlis nitqi onun vəkillik məktəbinin formalaşmasına xidmət edir.

Adəm Məmmədov hesab edir ki, hər bir hüquq müdafiəçisi yalnız müvəkkilinin deyil, cəmiyyətin vicdanını da təmsil edir. Ona görə də o, öz işini həm qanun çərçivəsində, həm də insani dəyərlərə sadiq qalmaqla həyata keçirir.

Vəkil Adəm Məmmədov gələcəyə inamla baxır. O, Azərbaycanın hüquq sisteminin daha da inkişaf etməsini, vətəndaşların hüquqi mədəniyyətinin yüksəlməsini öz fəaliyyətinin əsas məqsədi sayır. Onun fikrincə, hər bir hüquqşünas dövlətinə, vətəninə və xalqına xidmət etməklə, dövlətçiliyin möhkəmlənməsinə töhfə verir.

Hüquq müdafiəçisi kimi o, həmçinin şəhid ailələrinə və qazilərə də daim dəstək göstərir, onların hüquqlarının qorunmasında xüsusi həssaslıq nümayiş etdirir. Bu isə onun həm vətənpərvər, həm də insani dəyərlərə sadiq bir şəxsiyyət olduğunu göstərir.

Vəkil Adəm Məmmədov bu gün Azərbaycan hüquq sistemində peşəkarlığı, dürüstlüyü və prinsipiallığı ilə seçilən nümunəvi hüquq müdafiəçilərindəndir. Onun fəaliyyəti göstərir ki, ədalət uğrunda çalışan insan üçün çətinliklər sadəcə bir sınaqdır. O, vətəndaşların etimadını qazanmaqla yanaşı, cəmiyyətə ədalətin vacibliyini aşılayan hüquq müdafiəçisidir.

Adəm Məmmədovun həyat devizi qısaca belədir:

“Ədalətə xidmət — insanlığa xidmətdir.”

Bu prinsip onun fəaliyyətinin, şəxsiyyətinin və vəkillik peşəsinə sadiqliyinin ən dolğun ifadəsidir.

18 Oktyabr Müstəqilliyimizin bərpası günü münasibəti ilə Vəkil Məmmədovu və onun timsalında bütün Azərbaycan xalqını təbrik edirik.

Hacı Pərviz Həsənli