Azərbaycan ədliyyəsinin formalaşması və inkişafı ümummilli liderimiz Heydər Əliyevin adı ilə bağlıdır



Bəşəriyyət dahilərə, tarixi şəxsiyyətlərə möhtac olduğu qədər də onlara daim borcludur. Bu dahiləri dövr və zaman yetişdirir. Zəmanəmizin dahisi-müstəqil Azərbaycan dövlətinin müdrik rəhbəri ulu öndərimiz Heydər Əliyevin əməyi sayəsində Azərbaycan dünya xəritəsində öz layiqli təcəssümünü tapdı. Ümummilli lider xalqımız qarşısında ən böyük xidmətlərindən birini-xilaskarlıq missiyasını yerinə yetirdi. Ümummilli liderin zəngin dövlətçilik təcrübəsi və məqsədyönlü siyasəti sayəsində xaosun, vətəndaş qarşıdurmasının qarşısı alındı və sabitlik təmin edildi. Keçən hər gün bir daha sübut edir ki, Azərbaycanın yeganə düzgün yolu ümummilli lider ideyalarına sədaqət dur. Məhz bu yol xalqımızı və dövlətimizi daha xoş, firavan gələcəyə aparır. Ümummilli lider realist bir insan olaraq hər zaman hadisələrə praqmatik yanaşır, tarixi şəraitdən düzgün nəticə çıxarır və ölkənin taleyi üçün uğurlu qərarlar qəbul edirdi. O, beynəlxalq aləmdə tarazlaşdırılmış siyasətin, ölçülüb-biçilmiş fəaliyyətin mahir ustadı idi. Heydər Əliyevin bütün dolğun həyatı, tükənməz fəaliyyəti, parlaq şəxsiyyəti, zəngin irsi və ümumən ona məxsus nə varsa, hamısı Azərbaycan xalqı üçün çox dərin bir örnək nümunəsidir.  Heydər Əliyevin bütün dolğun həyatı, tükənməz fəaliyyəti, parlaq şəxsiyyəti, zəngin irsi və ümumən ona məxsus nə varsa, hamısı Azərbaycan xalqı üçün çox dərin bir örnək nümunəsidir. Bu bir həqiqətdir ki, Heydər Əliyev Azərbaycanı vətəndaş müharibəsindən qurtardı, müstəqilliyimizi dönməz etdi, sabitlik və təhlükəsizliyin qarantı oldu, ölkəni inkişafa, firavanlığa doğru addımlayan dünya birliyində layiqli yerini tutmuş bir dövlətə çevirdi. O, bir siyasətçi və dövlət xadimi kimi ən uca missiyanı gerçəkləşdirərək müstəqil Azərbaycan dövlətinin memarı oldu və müasir tarixini və öz əlləri ilə yazdı. Bu şəxsiyyət ölkənin həyatında, xalqın taleyində elə bir əzəmətli rol oynayıb ki, bu əsrlər boyu unudulmayacaq, çünki Azərbaycanın hər yerində onun quruculuq fəaliyyətinin silinməz izləri vardır. Ulu öndərin əbədiləşən ömür yolunu düşünəndə belə qənaətə gəlirik ki, ömrünü xalqına həsr edən, milləti, dövləti üçün misilsiz xidmətlər göstərən rəhbərlər heç vaxt unudula bilməz. Ulu öndər Heydər Əliyev ədliyyə sisteminin inkişafına daim qayğılı münasibət göstərib. Azərbaycan ədliyyəsinin yaranan gününü peşə bayramı kimi təsis etməklə ümummilli liderimiz ədliyyə tarixinin səhifəsinə özünün daha bir şərəfli imzasını atıb. Ədliyyə işçilərində mənəvi stimul yaradılması və tarixi irsin qorunması məqsədilə ümummilli lider Heydər Əliyevin 11 noyabr 2000-ci il tarixli Sərəncamı ilə 1918-ci ildə Azərbaycan xalq Cümhuriyyəti Ədliyyə Nazirliyinin Əsasnaməsinin təsdiq edildiyi gün-22 noyabr ədliyyə işçilərinin peşə bayramı günü kimi müəyyən  olunub. Azərbaycan ədliyyəsinin yenidən və əsaslı surətdə formalaşdırılması və inkişafı ümummilli liderimiz Heydər Əliyevin adı ilə bağlıdır. Onun ədliyyəmizə qayğısı bu gün də öz töhfəsini vermişdir. Bu gün Azərbaycanda müasir tələblərə cavab verən ədliyyə strukturu formalaşmaqdadır. Ölkə başçısının 29.09.2022-ci tarixli Sərəncamı ilə dahi ulu öndərin 100 illiyi münasibətilə 2023-cü ilin "Heydər Əliyev ili" elan olunması ümummilli liderin əziz xatirəsinə əbədi ehtiramın təzahürüdür. İndi bizim ölkəmiz üçün yeni dövr başlayıb. İllər ötsə də, çoxəsrlik tarixinin ən parlaq dövrünü yaşayan qədirbilən Azərbaycan xalqı onun misilsiz xidmətlərini hər an yüksək qiymətləndirir. Ulu Öndərin əziz xatirəsini dərin hörmət və ehtiramla yad edir. Çünki bu gün qüdrətli və qalib Azərbaycan Heydər Əliyevin əbədiyaşar ideyaları, zəngin siyasi irsi əsasında tərəqqi və zəfər yolunda əmin addımlarla irəliləyir, tarixi nailiyyətlərə imza atır. Bu il mayın 10-da bütün  Azərbaycan xalqı  dahi ulu öndərin 100 illiyini böyük ruh yüksəkliyi ilə qeyd edəcəklər. Ulu öndər Heydər Əliyevin müəyyən etdiyi və uğurla həyata keçirilən dövlətçilik amillərinin ədliyyə işçiləri olaraq hər birimiz daim sadiq qalmağı özümüzə mənəvi borc bilirik. Ədliyyə sahəsinin əməkdaşları kimi ölkəmizin daha da qüdrətlənməsi və demokrat hüquqi dövlət quruculuğu işində möhtərəm Prezidentimiz İlham Əliyevə yardımçı olmağı bu dövrdə vəzifə və vətəndaşlıq borcu sayırıq.Ədliyyə işçiləri  olaraq ümummilli lider Heydər ƏLiyevin banisi olduğu dövlətçilik ənənəsinə sadiq olaraq bundan sonra da verilən tapşırıqların öhdəsindən layiqincə gələcəyik. Ədliyyə işçisi kimi ölkəmizin daha da qüdrətlənməsi və demokratik hüquqi dövlət quruculuğu işində möhtərəm Prezidentimiz İlham Əliyevə yardımçı olmağı bu dövrdə vəzifə və vətəndaşlıq borcu sayırıq. Biz hələ uzun bir tarixi dövr ərzində Heydər Əliyev kursunun dəyərinin, davamlılığının, onun xalqımızın və milli dövlətçiliyimizin taleyində oynayacağı əvəzsiz rolun şahidi olacayıq.

Aygün Eminova
4 saylı Bakı "Asan Xidmət" Mərkəzinin qeydiyyat şöbəsinin rəisi