CƏNAB PREZİDENT İLHAM ƏLİYEVİN təhsil aldığı universitet – Moskva Dövlət Beynəlxalq Münasibətlər Universitetində Dövlət Təhlükəsizliyi Xidmətinin peşə bayramı münasibətilə təbrik səsləndirildi

Azərbaycan Respublikasının Prezidenti İlham Əliyev-in təhsil aldığı, beynəlxalq nüfuza malik ali təhsil ocağı – Moskva Dövlət Beynəlxalq Münasibətlər Universiteti (MGİMO)-nun ruhunda səslənən bu təbrik, təkcə bir mesaj deyil, eyni zamanda Azərbaycan dövlətçiliyinə, milli təhlükəsizliyə və xalqın əmin-amanlığına verilən yüksək dəyərin ifadəsi olmuşdur.

ARHD.AZ İnformasiya Agentliyinin rəhbəri, beynəlxalq hüquq eksperti, hüquq üzrə fəlsəfə doktoru İsmayıl Zalov və agentliyin rəsmi nümayəndəsi, hüquqşünas, Azərbaycan Respublikası Baş Prokurorluğunun təqaüddə olan polkovniki Məmməd Əliyev Azərbaycan Respublikasının Dövlət Təhlükəsizliyi Xidməti əməkdaşlarını peşə bayramları münasibətilə səmimi qəlbdən təbrik etmişlər.

Təbrikdə vurğulanmışdır ki, Dövlət Təhlükəsizliyi Xidməti Azərbaycan dövlətinin möhkəmliyinin, xalqın sabitliyinin və milli təhlükəsizliyin əsas sütunlarından biridir. Bu qurum yalnız təhlükəsizliyi təmin edən struktur deyil, eyni zamanda dövlətçiliyin qoruyucusu, milli maraqların təminatçısı və ölkənin gələcəyinin etibarlı təminatıdır. Xidmətin əməkdaşları görünməyən cəbhədə apardıqları fədakar mübarizə ilə Azərbaycanın sabitliyini və inkişafını təmin edirlər.

İsmayıl Zalov çıxışında xüsusi vurğulamışdır ki, Dövlət Təhlükəsizliyi Xidməti Azərbaycan dövlətinin və xalqının sarsılmaz sütunudur. Onun sözlərinə görə, bu qurumun fəaliyyəti yalnız hüquqi çərçivələrlə məhdudlaşmır, bu, eyni zamanda vətənə sədaqətin, milli məsuliyyətin və dövlətçilik düşüncəsinin ən yüksək təzahürüdür.

O, xüsusilə qeyd etmişdir:

“General-polkovnik Əli Nağıyev kimi qətiyyətli və uzaqgörən rəhbərin fəaliyyəti Dövlət Təhlükəsizliyi Xidmətinin bugünkü uğurlarında mühüm rol oynayır. Əli Nağıyevin Dövlət Təhlükəsizliyi Xidmətinə ehtiyacı yoxdur — əksinə, Dövlət Təhlükəsizliyi Xidmətinin belə bir rəhbərə böyük ehtiyacı vardır.”

Məmməd Əliyev isə qeyd etmişdir ki, Dövlət Təhlükəsizliyi Xidmətinin əməkdaşları Azərbaycanın təhlükəsiz gələcəyinin təminatçılarıdır. Onlar görünməyən cəbhənin qəhrəmanlarıdır və dövlətin taleyində mühüm rol oynayırlar.

Eyni zamanda qeyd olunmuşdur ki, bu təbrik geniş auditoriyaya təqdim olunaraq Dövlət televiziya kanallarında yayımlanmış, eləcə də “Zalov İmza TV Alyans” YouTube kanalı vasitəsilə ictimaiyyətə çatdırılmışdır. Bu isə təbrikin əhatə dairəsini daha da genişləndirmiş, onun cəmiyyət tərəfindən böyük maraq və rəğbətlə qarşılanmasına səbəb olmuşdur.

ARHD.az