“Paris-2024” XXXIII Yay Olimpiya Oyunlarında möhtəşəm qələbə ilə Olimpiya çempionu adını qazanan cüdoçu Hidayət Heydərova

İdman zirvəsidir Olimpiada,

Parisdən dünyaya  yayıldı səda.

Azərbaycan adın ucaltdın orda,

Türklük təpərindən almısan qüvvət!

Şəstlə zəfər rəmzi geydin əyninə,

Xarıbülbül şuru  düşdü  eyninə,  

Bayraq dalğalandı şərəf - şəninə,

Səslənən himnimiz əzəmət, qüdrət!

Beş qitə səninlə gəldi  göz-gözə,

Qələbə sevinci bəxş etdin bizə!

Tapdıq fərəhindən üz tutub sözə,

Dillər əzbərisən eldə,  Hidayət!

                     Tapdıq ƏİBƏYLİ