Mingəçevirdə bıçaqlanma hadisəsi olub.
“Qafqazinfo” xəbər verir ki, hadisə avqustun 2-si saat 22 radələrində baş verib.
40 yaşlı Fariz Səmədov aralarında yaranmış mübahisə zamanı 1987-ci il təvəllüdlü Ceyhun Mirzəyevi bıçaqlayıb. C.Mirzəyev də F.Səmədovun bel nahiyəsinə kəsici alətlə xəsarət yetirib.
DİN-in Mətbuat xidmətinin Şəki regional qrupundan bildirilib ki, F.Səmədov saxlanılıb, digər şəxs isə xəstəxanaya yerləşdirilib.
Faktla bağlı müvafiq ekspertiza təyin olunub, araşdırmalar davam etdirilir.