Patruşev: “Qərbin addımları Bakı ilə İrəvan arasında normallaşma prosesində vəziyyəti gərginləşdirir”
08-noy, 12:34 144 Siyasət![](/uploads/posts/2023-11/1699432421_2.jpg)
Bu sözləri Rusiya Təhlükəsizlik Şurasının katibi Nikolay Patruşev Moskvada keçirilən MDB Təhlükəsizlik Şurası katiblərinin iclasında görüşündə bildirib.
Patruşev əlavə edib ki, Rusiya həmçinin Cənubi Qafqaz regionunda vəziyyətin sabitləşdirilməsində, onun inkişafı üçün şəraitin yaradılmasında, qarşılıqlı etimadın və əməkdaşlığın möhkəmləndirilməsində maraqlıdır.
“Bu məqsədlə, Rusiya bu ölkələr arasında sülh müqaviləsinin bağlanması, sərhədlərin delimitasiyası və nəqliyyat kommunikasiyalarının açılması maraqları naminə Ermənistan-Azərbaycan münasibətlərinin hərtərəfli normallaşdırılması istiqamətində ardıcıl addımlar atır. Praktika göstərir ki, bu, yalnız regiondankənar qüvvələrin müdaxiləsi olmadığı təqdirdə mümkündür. Qərb ölkələrinin hərəkətləri regionda vəziyyətin deqradasiyasına səbəb olur və orada ziddiyyətlərin davam etməsinə şərait yaradır”, - katib vurğulayıb.
Mənbə: Oxu.az