Müasir Azərbaycan təhsilinin inkişafı, ölkəmizin gələcəyinin etibarlı şəkildə formalaşdırılması və gənc nəslin yüksək bilik və bacarıqlara yiyələnməsi istiqamətində mühüm işlər həyata keçirilir. Bu sahədə fəaliyyət göstərən ali təhsil müəssisələrinin rəhbərləri üzərinə böyük məsuliyyət düşür. Belə nüfuzlu və məsuliyyətli rəhbərlərdən biri də Bakı Mühəndislik Universitetinin rektoru Yaqub Piriyevdir. O, öz fəaliyyəti, peşəkarlığı, idarəçilik bacarığı və təhsilin inkişafına verdiyi töhfələrlə kollektivin və ictimaiyyətin dərin hörmətini qazanmışdır.
Yaqub Piriyev rəhbərlik etdiyi Bakı Mühəndislik Universitetində tədrisin keyfiyyətinin yüksəldilməsi, elmi fəaliyyətin genişləndirilməsi və beynəlxalq əməkdaşlığın inkişaf etdirilməsi istiqamətində ardıcıl tədbirlər həyata keçirir. Universitetin maddi-texniki bazasının gücləndirilməsi, müasir laboratoriyaların yaradılması, innovativ tədris metodlarının tətbiqi və tələbələrin hərtərəfli inkişafı onun fəaliyyətinin əsas prioritetlərindən biridir.
Bu gün Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə təhsilin inkişafı dövlət siyasətinin əsas istiqamətlərindən biri kimi müəyyən edilmişdir. Dövlət başçısının təhsil sahəsinə göstərdiyi diqqət və qayğı nəticəsində ali təhsil müəssisələrində müasir infrastruktur yaradılmış, beynəlxalq standartlara uyğun təhsil imkanları genişləndirilmişdir. Yaqub Piriyev də öz fəaliyyətində məhz bu strateji xəttə sadiq qalaraq Prezident İlham Əliyevin müəyyən etdiyi inkişaf konsepsiyasının həyata keçirilməsinə mühüm töhfələr verir.
Rektor kimi Yaqub Piriyevin ən mühüm xüsusiyyətlərindən biri insan amilinə verdiyi yüksək dəyərdir. O, tələbələrin problemlərinə həssaslıqla yanaşır, onların təhsil və sosial məsələlərinin həlli istiqamətində daim diqqət göstərir. Universitetdə sağlam mənəvi mühitin formalaşdırılması, gənclərin vətənpərvərlik ruhunda yetişdirilməsi və milli-mənəvi dəyərlərə bağlılığının gücləndirilməsi istiqamətində həyata keçirilən layihələr də onun təşəbbüsü ilə uğurla davam etdirilir.
Yaqub Piriyevin fəaliyyətində sosial məsuliyyət anlayışı xüsusi yer tutur. O, hər zaman şəhid ailələrini, qaziləri və aztəminatlı ailələri diqqət mərkəzində saxlayır. Vətən uğrunda canından keçən qəhrəmanlarımızın ailələrinə göstərilən hörmət və ehtiram, qazilərə verilən mənəvi dəstək onun humanist keyfiyyətlərinin parlaq göstəricisidir. Müxtəlif sosial layihələrdə, xeyriyyə tədbirlərində və yardım aksiyalarında fəal iştirak etməsi cəmiyyət tərəfindən yüksək qiymətləndirilir.
Azərbaycan xalqı Vətən müharibəsində əldə etdiyi tarixi Zəfərlə dünyaya öz gücünü və birliyini nümayiş etdirdi. Bu qələbənin əsas memarı olan Prezident, Müzəffər Ali Baş Komandan İlham Əliyevin rəhbərliyi altında ölkəmiz yeni inkişaf mərhələsinə qədəm qoymuşdur. Yaqub Piriyev də gənclər arasında vətənpərvərlik ideyalarının təbliği, dövlətçilik ənənələrinin qorunması və milli həmrəyliyin möhkəmləndirilməsi istiqamətində mühüm işlər görür.
Onun rəhbərlik etdiyi universitetdə tələbələrin yalnız peşəkar mütəxəssis kimi deyil, həm də yüksək mənəvi keyfiyyətlərə malik vətəndaş kimi formalaşmasına xüsusi diqqət yetirilir. Tələbələr müxtəlif elmi konfranslara, beynəlxalq layihələrə və innovativ proqramlara cəlb edilir, onların yaradıcı potensialının inkişafı üçün geniş imkanlar yaradılır. Bu isə universitetin ölkənin aparıcı ali təhsil müəssisələrindən biri kimi mövqeyini daha da gücləndirir.
Yaqub Piriyev kollektivlə işləmək bacarığı, səmimiyyəti və prinsipiallığı ilə seçilən rəhbərlər sırasındadır. Onun qapısı hər zaman əməkdaşların və tələbələrin üzünə açıqdır. İnsanlarla ünsiyyətdə göstərdiyi nəzakət, obyektiv yanaşma və qayğıkeş münasibət kollektiv daxilində sağlam iş mühitinin formalaşmasına şərait yaradır.
Elm və təhsilin vəhdətinə böyük önəm verən rektor universitetdə aparılan elmi tədqiqatların genişləndirilməsinə xüsusi diqqət ayırır. Müasir dövrün tələblərinə uyğun ixtisaslı mühəndis kadrlarının hazırlanması, innovasiya və texnologiya sahələrində yeni layihələrin həyata keçirilməsi istiqamətində görülən işlər Bakı Mühəndislik Universitetinin nüfuzunu daha da artırır.
Yaqub Piriyevin fəaliyyəti göstərir ki, uğurlu rəhbərlik yalnız inzibati idarəetmə ilə məhdudlaşmır. Əsl rəhbər həm də insanlara dayaq olmalı, onların problemlərinə həssas yanaşmalı, cəmiyyətin inkişafına xidmət etməlidir. O, məhz bu xüsusiyyətləri ilə seçilərək təhsil ictimaiyyətində böyük rəğbət qazanmışdır.
Bu gün Bakı Mühəndislik Universitetinin əldə etdiyi uğurların arxasında peşəkar idarəçilik, məqsədyönlü fəaliyyət və gələcəyə hesablanmış strateji yanaşma dayanır. Bu uğurlarda Yaqub Piriyevin zəhməti və xidmətləri xüsusi yer tutur. O, öz fəaliyyəti ilə Azərbaycan təhsilinin inkişafına, gənc nəslin savadlı və vətənpərvər ruhda yetişməsinə mühüm töhfələr verməyə davam edir.
Əminliklə demək olar ki, Yaqub Piriyev bundan sonra da ölkəmizin təhsil sisteminin inkişafı naminə yorulmadan çalışacaq, Prezident İlham Əliyevin müəyyən etdiyi inkişaf strategiyasının həyata keçirilməsinə öz dəyərli töhfələrini verəcəkdir. Onun fəaliyyəti peşəkarlığın, vətənpərvərliyin, humanizmin və dövlətə sədaqətin nümunəsi kimi hər zaman yüksək qiymətləndiriləcəkdir.

Vüqar Əsədov