Avstriyanın Vyana şəhərində keçirilən “Avroviziya 2026” mahnı müsabiqəsinin ilk yarımfinal mərhələsi başa çatıb və finala yüksələn ölkələr müəyyənləşib.
“Qafqazinfo” xəbər verir ki, yarımfinalda 10 ölkə finala vəsiqə qazanaraq, şənbə günü keçiriləcək həlledici mərhələyə adlayıb.
Eyni zamanda, bəzi tanınmış ifaçılar və ölkələr yarışmadan kənarda qalıb.
Finala vəsiqə qazanan ölkələr bunlardır:
Belçika
Xorvatiya
Finlandiya
Yunanıstan
Litva
Moldova
Polşa
Serbiya
İsveç
İsrail
Yarımfinal nəticələrinə əsasən, Estoniya, Gürcüstan, Monteneqro, Portuqaliya və San Marino müsabiqədən kənar qalıb.
Final mərhələsində iştirak edəcək ifaçılar arasında Finlandiyanın “Liekinheitin” mahnısı hazırda əsas favoritlərdən biri kimi göstərilir.