21 oktyabr - Vətən müharibəsi Şəhidi, Azərbaycan Silahlı Qüvvələrinin əsgəri, ilahiyyatçı Maarif  Mikayıl oğlu Səfərovun (21.05.1997, Cəlilabad  – 21.10.2020, Qubadlı) anım günüdür.
     Ölümündən sonra "Cəbrayılın azad olunmasına görə", "Qubadlının azad olunmasına görə", "Vətən uğrunda",  "Cəsur döyüşçü" medalları və 3-cü dərəcəli "Vətənə xidmətə görə" ordeni ilə təltif  olunmuş Şəhidimizin əziz  xatirəsini ehtiramla, rəhmətlə  yad edir, ithaf etdiyim şeiri qutsal ruhuna salat - salam qismində adına ünvanlayıram.
                                                      
 Ruhuna biçilən  Bayraq libası
 Vətən sevgisinin nişanəsidir.
 Rəbbdən əta olan Şəhid əbası
 Çənnətdə əyninin  şahənəsidir.

Dünyaya göz açdı bahar çağında,
Əbədiyyət yolu   bir payız günü.
Çiçək arzuları  könül bağında,
Ellərə səs saldı şəhidlik ünü...

Döğdu  səmamızda  Zəfər günəşi,
Şəhidlər amalı bayraq-bayraq bərq...
İlahi dərgahda   behişt  guşəsi,
Maarifin ruhu  rəhmət, nura  qərq...
               ✍️ Tapdıq ƏLİBƏYLİ